دا د هغه ۱۵ کلنې سحر خبرې دي چې ډیری وخت د تخار د چارواکیو او پولیسو ترڅنګ د ځینو ولسي خلګو د جنسي حوس ښکار شوې ده، له نادانۍ، مجبورۍ او ناپوهۍ څخه د جنسي خواهشاتو ښکار شوې (سحر) اوس هیڅ اسره نه لري او په ټیټو سترګو د ټولنې خلګو ته ګوري.

 2017-01-12

سحر جانې! ته ګیله مه کوه، خپه کېږه مه، زما د وطن د ځینو خلګو جنسي هواهشات لکه: زما د وطن د ساړه ژمي په وارو پوښلیو غرو لیوان وږي شوي دي.

سحر جانې! ته ګیله مه کوه، خپه کېږه مه، زما د وطن د ځینو خلګو جنسي هواهشات لکه: د دوبي په سره ګرمي، ویړه دښته او ټکڼه غرمه کې د جل وهلي مساپر تندې اخیستي دي.

سحر جانې! ته ګیله مه کوه، خپه کېږه مه، زما د وطن د ځینو خلګو جنسي هواهشات لکه: د تورې شپې لار ورکی نابینا چې هر ځای یې لاس ولګیده، سرپه نه کوي.

سحر جانې! ستا په نازک وجود په یوه وار د نهو لیونیو سپو حمله لومړی وار نه ده،بلکې په دې وطن کې په وار وار ستا په رنګه نازک بدنونه دغه لیونو سپو داړلي دي.

سحر جانې!

موږ تاته شرمینده یو.

موږ تاته خړمخي یو.

مو وبخښه، موږ وبخښه